Hong Kong iPod: 巨樟搭老榕變身樹中樹

短線遊：巨樟搭老榕變身樹中樹

香港奇樹多，大埔社山村「千年神木」奇在有 6 層樓咁高、馬鞍山大水坑「百子千孫樹」奇在似迷你森林，上水蕉徑村奇樹奇在樹中有樹， 1 棵大樟樹樹幹內竟另生 1 棵榕樹，兩者互相扶持健康成長，今日就帶大家現場直擊呢 1 棵「樹中樹」 … … 唔係，係 2 棵樹至

。

記者：陳震霖　攝影：楊錦文
模特兒： Esther （ Sun Spot ）

_ 企高望，清楚睇到樹窿

面重有棵大樹。

_ ■ 認住呢間合作社，直入就係蕉徑村。

合作社保村民生計
蓮塘尾落車，過對面馬路入蕉徑村，先見到「蕉徑蔬菜產銷貸款有限責任合作社」，嗚！個名水蛇春咁長，究竟合作

乜東東？話說以前蕉徑村村民只會個別

農作物出上水墟街市擺賣，但近年入口蔬菜愈來愈多，市民對本地農作物需求減少。村民為求生計，合作社應運而生，先將蔬菜收集，去蕪存菁，然後一次過分銷批發，蔬菜質素好，自然叫得好價錢。

農場一樣有 Q 嘜
開得合作社，蔬菜質素當然一流，村內唔少菜田都戙起個鐵牌，白底綠字，以為寫住「私人菜田，禁止闖入」之類字眼，睇真，原來寫住「漁農署認可信譽農場」，即係農場 Q 嘜標記咁解， Q 嘜標記得來不易，只有採納認可生產程序

蔬菜農場，漁農署先會頒呢個榮譽，認真唔講得笑。
聽老村民講，以前蕉徑村好繁盛，農業係主要收入來源，時移世易，年輕一輩多數外遷，農地無人耕種，慢慢荒廢，有

甚至改建成賽車場

。

_ ■ 蕉徑村保留古村風情，入村即有肥鵝同你打招呼。

_ ■ 農場 Q 嘜標記，出產

農作物一定有保證。

公立學校人去樓空
蕉徑村勁多分叉村路，路在口邊，要搵「樹中樹」，先向友善村民問路，向西行 15 分鐘，見老早因收生不足而關閉蕉徑公立學校。 Esther 八卦，左右，發覺面七國咁亂，粉筆粉擦一地都係，校外空地重變埋小型停車場。過埋學校，見彭氏祠堂，離「樹中樹」已經不遠。

_ ■ 昔日人丁旺盛，村內彭氏家族重起埋大祠堂。

_ ■ 學校 10 幾年前已關閉，但好奇怪，牌匾居然保留得好新淨。

越野電單車飛上天
繼續西行入村，應該愈來愈偏僻寧靜，點知反而聽到勁嘈賽車引擎聲，再行，眼前忽然有架電單車飛過，原來所在係「香港越野電單車運動總會」練習場，會長有 20 年玩車經驗，最鍾意教人鍊車。
唔使牌一樣玩得，初學者要先上 1 個基本訓練課程，然後再落場同其他人比賽。星期六日最多人度一較高下，唔少車手重係外國人，睇佢風馳電掣，一時直路比拼，一時沙地自轉，一時飛越小沙丘，塵土飛揚，玩盡唔同花式， Esther 都忍唔住一顯身手。

_ ■ Esther 急不及待選戰衣，即時落場試玩。

_ ■ 除練習圈，賽車場重有比賽用大圈，飛到咁高，好激！

香港越野電單車運動總會（ 2659 8159 ）
地址：新界上水唐公嶺
網址： www.mxclub.com.hk
會費：每日 $50 ，每年 $600 ；訓練班每 2 小時 $350 ；租車費（包護身服及機油）每小時 $300 ，每 2 小時 $400 。

穿迷你竹林隧道
鍊完車，最後目的地龍潭古廟，古廟已有超過 300 年歷史，主要供奉觀世音菩薩，由蕉徑六村村民合力興建，廟祝話寺廟原本破爛不堪，直到 1966 年先重新逐年修葺，先有家個靚樣。廟後有山路直上雞公嶺，初段係條迷你竹林隧道，環境尚算清幽。